Dios Ke Te Crew na Sala Capitol
![Event Header](https://d31tcnbxvxtafg.cloudfront.net/images/events/Dgn7cgZHxUoP.jpg)
TICKETS
INFORMATION
![Event Card](https://d31tcnbxvxtafg.cloudfront.net/images/events/Tnl6RCgoJHmN.jpg)
Despois dunha longa tempada, os Dios Ke Te Crew están de volta!
Ao pouco de lanzar o seu último LP, "O Ciclo da Serpe" (DKTC Sons, 2019), a xira de actuacións viuse interrompida pola pandemia. Foi aí cando o grupo tomou a difícil decisión de non realizar actuacións en directo ata que as condicións, para público e banda, fosen axeitadas ao formato característico do seu show.
Pois ben, aproveitando esta "parada", Sokram, Mou, Jamas e Padre Murdock estiveron a argallar novos contidos... que traen coma froito un novo e agardado traballo, adiantado co videoclip/single "OG" (feat. Boyanka Kostova).
A banda de hip hop creada en Ordes no 2003 está a piques de celebrar o seu vixésimo aniversario... e traen moitas novidades.
Non quererás que cho conten, verdade?
Pois xa podedes reservar os tickets para o concerto de presentación deste novo traballo! Apunta ben: 27 de maio na Sala Capitol ás 22:00.
Deica xa!