16:30h SALA1 - 4 FILMES GALEGOS COMPETICIÓN
![Event Header](https://d31tcnbxvxtafg.cloudfront.net/images/events/g0KzcPMk3tZi.jpg)
TICKETS
INFORMATION
![Event Card](https://d31tcnbxvxtafg.cloudfront.net/images/events/PNijAr32tezG.jpg)
BLOOM
Helena Girón, Samuel M. Delgado / 18 min / 2023 / España
San Borondón é unha illa mítica que aparece e desparece. Ao longo da historia situouse nos mapas cerca das Illas Canarias. A lenda da illa de San Borondón chegou a cobrar tal forza que, durante os sécuos XVI, XVII e XVIII, organizáronse expedicións para descubrila e conquistala. Tras séculos de esquecemento, finalmente foi atopada.
SERPARI
Iria Sanjurjo / 20 min / 2023 / España
Serpari é a segunda peza da serie Rituais e festas ancestrais da Península Ibérica e Europa. Desde a perspectiva dunha serpe, asistimos a un dos rituais máis peculiares da provincia de L'Aquila en Italia, adicado ao abade San Domenico. Un ritual multitudinario no que o amor e o respecto polas serpes alcanzan a súa máxima expresión no marco dun ritual relixioso. Toda unha experiencia sensorial de inmersión nunha singular tradición.
ECOTONE
Enar de Dios / 27 min / 2023 / Austria, España
“Ecotone” é un ensaio audiovisual que se centra en zonas fronteirizas para falar das prácticas de control que se exercen sobre diferentes espazos co fin de mantelos separados. Estruturado nunha serie de “campos” ordeados de maior a menor escala (desde enormes zonas naturais protexidas ata espazos corporais diminutos), “Ecotone” é unha crítica a formas contemporáneas do capitalismo como o capitalismo de vixiancia ou o biocapitalismo. Usando unha gran variedade de material visual, “Ecotone” combina e demostra as relacións que existen entre aspectos económicos, políticos, históricos e medioambientais.
DEVOCIÓNS
Ángel Montero, María Serna / 17 min / 2023 / España
Rituais curativos, baños, caricias, coidados. Unha historia de amor e enfermidade que explora a aceptación dunha perda e a posibilidade real da morte. Unha viaxe sensorial a través do espello en busca de paisaxes sanadoras para celebrar a vida.