Fetén Fetén + convidados | Festival MARÉ 2023
![Event Header](https://d31tcnbxvxtafg.cloudfront.net/images/events/htjaphKFzHlH.jpg)
TICKETS
INFORMATION
![Event Card](https://d31tcnbxvxtafg.cloudfront.net/images/events/VOGT0wB2iOee.jpg)
SHARE THIS EVENT
Fetén Fetén + convidados | Festival MARÉ 2023
Coma parte do festival maré, que volve a Compostela do 20 ao 24 de setembro, o recoñecido e orixinal dúo castelán Fetén Fetén visitará o Teatro Principal co espectáculo "Miña terra no corazón", no que revisarán parte das súas cancións máis emblemáticas coas cores e aportes de artistas galegas convidados, de recoñecida traxectoria e bagaxe musical.
Este concerto é un percorrido polos ritmos populares da Península Ibérica, nun directo vital e enérxico no que poderemos gozar escoitando e bailando melodías tradicionais e composicións deste tándem burgalés ao ritmo de valses, xotas, pasodobres, muiñeiras, charros, rodas ou seguidillas.
Fetén Fetén viaxa a Galicia coas percusións de Xose Lois Romero e as cordas de Pedro Pascual, creando unha conexión atlántica no seu son en directo e un espectáculo que, baseado na música de raíz, a nosa esencia como pobo e cultura, nos transporta con imaxinación para as súas melodías ultramarinas e os seus insólitos instrumentos. Neste directo dentro da maré súmanse as colaboracións de diversos artistas do panorama musical galego.
Jorge Arribas: acordeón, ala de buitre, gaita box de vino, frauta silla de camping, basuri e recogeval.
Diego Galaz: violín, serrucho, zanfona, mandolina, culleres, tixola e huesera.
Pedro Pascual: bouzouki.
Xose Lois Romero: percusións.
Agardamos por vós o vindeiro sábado 23 de setembro no Teatro Principal.
Facebook: @cantosnamare
Instagram: @mare_compostela
Playlist Spotify
Canle de Youtube
Calquera dúbida ou cuestión en relacións coas entradas podedes poñervos en contacto con nós a través do mail mare@mare.gal
Festival adherido ao Programa Carné Xove. Desconto do 10% para beneficiarios/as.
CÓDIGO PROMOCIONAL: CULTURAXOVE
Deberá presentarse o carné obrigatoriamente o propio día do concerto no control de accesos.
Teatro Principal
23 Sep 2023
Venue
Teatro Principal
Times