Festival Sinsal SON Estrella Galicia 2022
![Event Header](https://d31tcnbxvxtafg.cloudfront.net/images/events/CLzcAVI9kD2Q.jpg)
TICKETS
INFORMATION
![Event Card](https://d31tcnbxvxtafg.cloudfront.net/images/events/tZOn8I68SNaS.jpg)
Tres días. Auga. Un barco. Unha illa. Un cartel secreto.
A Illa de San Simón acollerá o 22, 23 e 24 de xullo un dos encontros sonoros máis coidados e singulares do panorama musical estatal. Sinsal SON Estrella Galicia celebrará unha nova edición dun festival cuxo cartel, como é habitual, é secreto ata que o público desembarque en San Simón.
Durante tres xornadas, o público poderá de propostas musicais contemporáneas e diversas, en canto a estilo e orixe das bandas; ademais do contacto coa natureza e dunha viaxe en barco de ida e volta desde o litoral até a illa redondelá, situada no corazón das Rías Baixas.
Un dos principais atractivos desta edición será que, por segundo ano consecutivo, a programación secreta de cada xornada será completamente diferente a do día anterior, de xeito que cada día actuarán artistas diferentes, dos que un 90% tocarán por vez primeira en Galicia.
Ata o 4 de xullo podes conseguir as túas entradas a prezo reducido. Vémonos en San Simón?